Nandinha (feat. Mário Lúcio)

Zeca di Nha Reinalda

Compositor: Não Disponível

Fla-m Nandinha bu kama txoma area
Fla-m Nandinha bu banke é Prasa Stréla
Fla-m Nandinha bu poize é na Sonbéntu
Fla-m Nadinha N ta skrebe, N ta fla mamai

Fla-m Nandinha fórti da-m kudadu
Fla-m Nandinha bu skrebe, u manda fla mi
Fla-m Nandinha u paga pasáji, bu bai
U ba buska pai di fidju, u ben traze-l di Lisboa

Fla-m Nandinha fórti da-m kudadu
Fla-m Nandinha kel-li é so pa N odja
Fla-m Nandinha midjór u djobeba mi
Ma mi ku bo nu kustumaba mora djuntu

Fla-m Nandinha due-m da tabaku
Fla-m Nandinha kel-li é so pa N odja
Fla-m Nandinha u sta moda zigizagi
Kunpadri zigizagi, óra li, óra la

Pan di iáia, pan di iáia
Pan di iáia bu toma-m libizon
Pan di iáia bu toma-m tudu kuza
Bu ratxa-m, unn-unn, N ta txiga N ta fla mamai

Fla-m rapasis si nhos fladu, nhos ka obi
Fla-m rapasis si nhos obi, nhos ka ntende
Fla-m rapas si N ba purgunta pundi pan di iáia
Fla-m pan di iáia pa da kónta nhosis

Libertadu 1 di Maiu fésta di nhu Sanflipi
Libertadu 19 di Maiu fésta na Praia
Libertadu 24 di Junhu Portu Novu
25 Nhu Santiagu, nha genti, Pedra Badeju

Fla-m mosinhu na pasar di Sior du Mundu
Fla-m mosinhu ma mi N kume, N ka farta
Fla-m mosinhu ma mi N bebe, N ka basta
Palmanhan N ta tingi ka ten kuza kubri

Pan di iáia, pan di iáia
Pan di iáia bu toma-m libizon
Pan di iáia bu toma-m tudu kuza
U ratxa-m, unn-unn, N ta txiga N ta fla mamai